IL-PELLEGRINAGG TAL-FEKRUNA

15.11.07

Kien hemm darba fekruna kbira, mdellka, kerha, mzellga skura u kannella. Kienet xi haga li l-bahar bezaq fuq ix-xatt ghax hassu hazin. Il-fekkruna ittewbet wahda kbira, u minn halqha karkret karba simili ghall dik tal kokka meta tikkoncentra fuq l-kordi vokali l-aktar koroh ta grizmejha. Hareg, bi sforz kbir u miksi bzieq, ragel ahdar maghmul ckejken, li flok mohh kellu magna tal-hjata u flok qalb kellu lewza. Ir-ragel (li kien jismu Misempleh) qabad kamera tar-ritratti u nfexx jigbed immagni wara immagni ta’ dak kollu li setaw jaraw ghajnejh skrupluzi mimlijin riq fekrunesk. Ritratt wara ritratt, ic-cirkonferenza ta’ l-esperimentazzjoni tieghu zdiedet, hekk kif tbieghed aktar u aktar mil-lok fejn wellditu din il-haga moqzieza. Tbieghed, tbieghed, sa ma wasal hdejn bokka ta’ bir mimli brimb kbir daqs il-basal. Brimba minnhom kienet xwejha, sentinella ta’ hafna saqajn. Kellha xarha twil u mqanfed u kienet qed tehda ddur ddur mad-dawra tal-bokka.

Mal wasla ta’ Misempleh l-brimba ppuppat il-warrani, harget idejha, irrangat in-nuccali u talbitu ghall invit. Misempleh ma kellu l-ebda nvit. Mar-rivelazzjoni ta’ din il-bicca nformazzjoni, l-brimb kollha waqfu ix-xejn li kienu qieghed jaghmlu u harsu cass lejh.

Mijja disa u tmenin brimba, jharsu cass lejh.

Tistaw timmaginaw l-iskumdita’ li hass il-habib hadrani taghna li b’konsegwenza ghamel haga li kieku mhux ghax kien fadallu biss ghaxar minuti hajja, kien jiddispjacih ghalija ghall omru. Misempleh qabad ir-ritratti li kien gibed meta kien ghadu fl-istess ghanqbuta mdellka li fiha kien hemm ommu l-fekruna. Qassam wiehed wiehed l-immagni kolla ta’ dak li ghajnejh kienu esperjenzaw.

Mijja disa u tmenin ritratt. (Zied wiehed ghall brimba sentinella).

Malli dawn l-oggetti prezzjuzi gew f’idejn il-brimb, iggranfaw maghhom b’dahka ndemonjata, hargu lsienhom sufi u nfexxew jilghaqu kull immagni sakemm thassret kull stampa u fadal biss karti bojod. Lanqas dawn ma kellhom wisq xorti, ghax belawhom u tfewwquhom f’temp ta ghaxar sekondi. Misempleh sa issa kien ghadu kuntent. Mehlusa mill-guh, il-brimba sentinel warrbet u l-bokka kienet kollha tieghu. Ha ranjkatura u qabez ghall isfel.

Mill-ewwel xamm riha fekruneska li donnu gharafa. Dam ftit minuti niezel, jizzelleg mal-bzieq tal-bahar li l-bir kien mimli minnu. Hawn gew kollox kien inkaljat bl-actu, tant li l-ahdar jixhel ta’ Misempleh inhall mal-konfini tal-bir sa ma sar ragel trasparenti. Meta ra x’kien hemm fil-qiegh, iddissolva ghall kollox.

Ommu l-fekruna, kbira, mdellka, kerha, mzellga, kienet qiegheda hemm tistennieh b’halqha miftuh. Din id-darba faqqhet dahka li farrket il-magna tal-hjata ta mohhu u ghamlet zejt mill-lewza ta qalbu.

Misempleh waqaf jezisti.

PORCELLANA

12.11.07

Qabad lasta rqieqa, ferraq l-ilma frizat li kien kwazi beda jifforma skorca ma l-art u farrak is-silg sa ma fetah bokka. Halla l-hoss sfrenat tat trakkijiet li nstemaw mill-boghod, halla it-tektik tac-cpar jizzelleg mal-karozzi, halla z-zarzir f’mohhu u halla l-biki taz zoni industrijali. Mill-bokka harget krejatura tal-porcellana, liebsa libsa bajda rieha ta demensja, tlegleg flixkun spirtu kannella u tliegheb vokabolarju li ma jezizti fl-ebda dizzjunarju. Hatfet il-lasta u telqghet ghall ghonq it-triq , tixxengel minn nahha ghal ohra, u hu mexa hdejha. Kienet tieqaf tosserva il-fdalijiet umani imxerrda ghall ghonq it toroq bojod, tghodd l-arbli tad dawl ghall tlett darbiet kull tlett sekondi u tinfexx tidhak u tibki f’salt. Hu kien jieqaf josserva maghha, jghodd, jidhak, jipprova ma jibkix u jipprova jifhem. Imxew hdejn xulxin, werzqu gennati u dendluhom mal hitan ta kull triq li minnha kienu jghaddu, jaffaxxinaw lill xulxin u jimmeraviljaw ruhhom bin nuqqas ta' ezistenza tad-dinja li kienu jghixu fiha.

Qabad xarha minn ras il-mara tal-porcellana u gibidha tant li gieghla thares cass f’ghajnejh. F’salt wiehed zdiedu l-ilmenti tal-bebbux kollu li kienet qarmcet taht saqajha hi u tixxengel. Sabet kapitlu fejn uhud mill-kliem kienu jezistu, u habbet, habbet, habbet, hafna habbet.

L-ghada, bil-mohbi ta Nemis, tkaxkret lura lejn it-toqba tas-silg.

Huwa qam bil-hoss tat trakkijiet f’widnejh, it-tektik tac-cpar jizzeffen mall-voks wagon, iz-zarzir li baqa f’mohhu u z-zuffjett taz zoni industrijali.

L-AVUKATA TAGHNA

08.11.07

“Ejja mela avukata taghna”

Qalu z-zunzan dakinar li zanznu ghall xejn minn fjura mejta ghall fjura mejta. Dakinar ma kienux jafu fejn ser jaqbdu jdahhlu x-xewka li tiddendel minn gisimhom.
Zanznu, zanznu, zanznu, illum ix-xemx hdaret.

“Dawwar lejna dawk l-ghajnejn tieghek tal-hniena”

Ghanejha tizliga bajda u xarha waqala kollu. Fethet halqha u deheru biss hofor fejn xi darba tbandlula d-dras suwed. Provat tigri halli ma ssofrix it-tingiza taz-zunzan herqan, imma kienet zoppa fuq sieq minnhom u tfixklet fil-mant il-blu.

“Urina wara dan it-turrufnament..”

Jew ahjar turina xejn. Idejk nieqsin tlett iswaba.

QATRAN
28.10.07

Darba kien hemm post fejn l-ghasafar suwed tal-merkurju kienu jizzerzqu mal-hbula ta l-inxir u l-bicciet tal metal minxura maghhom. Kien hemm hafna garaxxijiet fejn in-nies kienu jaghmlu uzu minn sustanzi li l-Bibbja, sa fejn naf jien, issejhilom il-Genna. Kien post imdawwal biss minn insetti kbar u orangjo li kienu jittajjru minn garaxx ghall garaxx, u minn kull kamra kont tisma muzika stunata hierga bhall fwar minn go borma minestra. Kien hemm mara bil-kalzetti mtaqqba u bit-te imcallas mal-flokk semi-trasparenti. Imdendel ma idha x-xellugijja kellha barmil qatran. Qatra qatra, l-qatran qattrilha fuq il-qorq tac-caruta, sakemm sahansittra l-kalzetti li kienu jaslu sa rkuppitha iggarfu bl-iswed. Il-mara tefghet harsa misruqa mawarha..kien hemm biss id-dalma ta nhar ta’ Hadd. Baxxiet, nizzlet il-barmil ma l-art u billet subajha fil-qatran zejtni u maghqud. Ressqet subghaja lubrifikati lejn il-hajt u halliethom iweddlu dak li kellha go fiha.

Thaxwix.

Mill-bokka ta garaxx minnhom deher tifel zghir jittawwal. Il-mara twerwet quddiem dik l-innocenza. F’hakka t’ghajn saret ghasfur tal-merkurju u ghebet fis smewwiet.

It-tifel l-ghada staqsa lill-ommu ghaliex il-mara misterjuza pengiet tulpan mitbiel mal-hajt fejn ta' spiss kien jaghtti wiccu meta jilghab 'ara gejja l-mewt ghalik...'

KIKKRA BEJN TNEJN
25.10.07

Mela darba kien hemm kikkra. Mela darba kien hemm qarnita. Mela darba kien hemm qarnita go kikkra. Nibdew mill bidu nett.

Hadd ma kien jaf il-qarnita kif kienet tinsab gol-kikkra: haga li kienet iggeghla tindanna mhux hazin, ghax minn dejjem xtaqet ftit ta' l-attenzjoni. Msomma, lura ghall punt.

Kien hemm qarnita go kikkra. Ta' spiss il-qarnita roza u mxarrba kienet tohrog it-tmenin saqajn taghha barra mill-konfini tal-hgieg trasparenti. Kienet tehda thokk saqajha ma l-art u ma xulxin. Kienu jaghmlu hoss bhal meta taqbad lasktuwwa, iggebbidha u thallihja tivvibra. Kull tant zmien, il-qarnita kienet tattendi (sintendi bil-kikkra b'kollox) il-karnival ta' Venezja.

Kien hemm qarnita go kikkra liebsa kostum tal-Karnival. Ghadda buffu minn hdeja ikaxkar strument muzikali bil-kordi xpakkati. Ghaddew sireni, trakkijiet, giraffi u lapsijiet.


Kien hemm qarnita go kikkra tistenna l-kbir Destin ilaqqahha ma qarnita bhala.

Kien hemm zewg qarniti go kikkra. Le, ma kienx id-Destin li tefa lit-tnejn (u Alla jberikom!) go l-istess konfin minuskolu.

Kien hemm zewg qarniti go kikkra, u hemm ghadom sa llum.

GHANJA
15.10.07


Darba wahda gewwa Rahal Ahdar, fejn ir-rih kien riha ta' xitwa u mimli fjuri ta' l-Apres Midi, kien hemm mara gharkubtejha, b'ida marbuta b'coff tas-satin. Il-fjuri qaluli li kienet qed iggorr sulfarin f'idejha u qaluli li semghuha tghanni:

Jekk nitkebbeb, nsir karawetta u nhallik tikolni, tibqa thobbni?

Jekk niggranfa mal-konsonanti u nqatta l-pagni tal-Genesi, tibqa thobbni?

Jekk jizloqlok kollox minn taht riglejk, tibqa tghixli? Tiba thobbni?


Tabilhaqq li lehinha kien mimli Lukura. Wisq nibza li qed jaqa n-nida fuqha u fuq is-satin. Min jaf trabbix sadid?

SALVINA
11.10.07


Darba kien hemm mara jisimha Salvina. Kienet bejn xiha u mhux xiha. Kienet toqghod go dar bejn gdida u mhux gdida. Ir rih qawwi mil grigal ta spiss kien jinki l-weraq tal palm fejn kienet toqghod. Salvina ma kinitx taf tesprimi ruhha. Lanqas ma kienet tifhem l-ittri imxerrda fuq il-karti, hitan, u smewwiet. Kienet tara lill kumplament tad-dinja jintilfu fin-numri, fil-problemi, u kienet tikkonslahhom. Lilha kien jikkunslahha l-hsieb li xi darba l-irqad etern kien ser itemm din il hajja ta ittri, ta karti, testmenti, u litanijji. Darba minnhom semghet storja li ma steghetx issibilha bidu jew tmiem. Salvina ma fehemet xejn.

U dik hi l-hajja fil-qosor.

STORJA TAL-PLASTIK
09.10.07


Kollox beda b'xewqa li ghamlet wahda mara ta eta zghira li kwazi diga' kienet bdiet tixba tiehu nifs.

Mela kien hemm umbaghad bajja sabiha li kull jum kienet tghaddi minnha. Qalbha kienet tixtieq tieqaf u tgawdi s-sbuhijja tad-dghajjes orangjo, homor, hodor, blu u sofor. Dejjem bil-ghatx, il-mara (li kien jisimha Baja) kienet tinfexx f'ezercizzji inutli, bhal nghidu ahna kienet tahdem il-kutri tan-newl, kienet tghodd id-dud (li kienet izzomm go gagga) ghoxrin punt seba darbiet kull jum, u kienet taqla l-ftit trab li kien jingemgha taht dufrejgha kull zero (punt seba seba disgha) sekondi. M'ghanniex xi nghidu, wara ftit qalbha ttaqbet xi ftit.

Darba minnhom Baja rvillat. Caqalqet rasha vjolentement, nezghet il-papocc tas-sodda, raddet salib bil-kontra u zifnet iz-zifna tal-bidla. Hekk kif kienet ghadejja ixxejjer idejha, Baja habtet go Vaguz.

Kif jista jkun li zewg krejaturi mizerabbli ltaqaw go dinja ta' hofor mimlijin zibeg? Kif, go dinja fejn id-dudu kulur il-krema jittajjar minn palma ghall palma?

Kien x'kien, Baja u Vaguz ta' spiss kienu nvizibbli flimkien. L-imwejjed li kienu jpoggu fuqhom kienu kollha ngroppi u mimlijin zokkor (le..ma jistax ikun melh). It-tnejn imkebbin gewwa tila ghalihom, sabu l-wens u rhewla lejn il-bajja s-sabiha. It-triq kienet invazata bil-wirdien (minn dawk li jgorru s-sigaretti wara darhom) u bl-erwieh li hazzu isimhom fuq il-bibien ta' triq Victoria Cassar. Id-djar kollha kellhom ucuh, min f'estasi u min f'dieqa kbira, u min b'farrett f'nofs wiccu. Kien hemm il-hwejjeg ta' tarbijja imxerrda ma l-art, bieb tal-hadid li ma jaghti ghall-ebda miken, vann go nofs ghalqa mimli meravillji, fjura (bronz fid-dlam u vjola fid-dawl) tal-plastik mixhuta ma l-art, li kull min jixrob mit-trab taghha isir ghasfur tal-plastik u jorqod gos-sigar tal-plastik.

Kien hemm Vaguz, li waqaf taht wahda mis-sigar u beda jsaffar. L-ghasafar tal-plastik saffrulu lura. Hu biss jaf x'qalulu. Ahna nafu biss li Baja tilfet mohha, u riditu, u haditu...imma s'issa l-istorja ma ntemmitx.

Baja u Vaguz it-tnejn nies ta' dieqa kbira f'qalbhom.

NEMIS B'NOFS CAVETTA
06.10.07


Darba kien hemm ragel li kien ihobb ihuf ghac-cwievet mormijja. Ta' kull lejl kien jistenna wara l-bibien tan nies sakemm dawn jarmu c-cwievet li ma jkunx ghad fadal uzu ghalihom.

Darba minnhom, sab cavetta li l-bieb taghha haseb li gharfu. Nawwar u nawwar fil-memorji kannella tieghu sakemm deherlu li sab il-Kaptu.

Kaptu kien bieb riha ta' moffa, bil-hniex hiereg minn kull toqba u bin-nida ticcallas mal-faccata. Ir-ragel dahhal ic-cavetta fis-serratura mmuffata. Taghha zewg skossi.

Kif wiehed seta jistenna, c-cavetta nqasmet fi tnejn; parti minnha fis-serratura u parti f'idejh. Ir-ragel xengel rasu.

L-istorja tintemm hesrem, bhall kif bdiet.

VOLKSWAGON GOLF

04.10.07

Mela darba jien hemm sigra vjola tikber mill-gear lever ta' karozza bajda. Jiddendlu minnha kien hemm bosta nisa zaghar bil-maktur ma rashom li kienu jghannu dejjem l-istess ghanja mdejqa u monotona. Kien jakkumpanjahhom ragel misterjuz minn barra l-karozza. Huma kienu jahzbuh Alla.

Darba minnhom, wahda mill-imdendlin hassitha bhal donnha trabbi l-kuragg. Libset ghalekk il-mant ta' tlett kuluri: l-Passat, il-Prezent u l-Mhux Maghruf. Fethet il-bieba l-blu tal-karozza bajda u harget 'l barra. Kien ghad kellha mwahhla ma rasha u idejha x-xinxilli vjola tas-sigra karozzeska. Sabet ruhha f'bahar ta' dlam imxarrab. Ma kien hemm l-ebda ragel jismu Alla. Minflok, kien hemm basket mimli rix.

Mil-boghod, instema l-hoss ta karozza tistartja.

Pass wara pass u b'ugieh kbir, il-mara rhitilha ghal ghonq it-triq. Ma damitx wisq ma waqfet tkaxkar saqajha. Ma kull pass, il-mara bdiet tikber.

Kibret ikbar mix-xitla Karozzeska.

Kibret ikbar mid-doppju.

Kibret ikbar minn dell.

Il-mara wessghet idejha u hatfet ix-xemx li kienet bdiet tazzarda titla. Id-dlam trijonfa ghal dejjem.

Ghall darb'ohra, instema l-ghana monotonu tan-nisa mdendla.

IL-BAR FIL-BELT TA’ GHANQA
25.09.07

Hemm miken fil-belt ta’ Ghanqa fejn il-poplu jmur biss sabiex ifittex bar li fih mhux permess dawl.Qalb ir-residenti tal-bar thabbat tnax tnax, u mnifsejhom jaqta kull tmintax-il minuta. Tnawwar fl-inhawi r-riha perfda ta’ ncens u tax-xitla tac-Censura, u kien propju ghalekk li Dlena u Jolissi rhewla lejn l-imsemmi bar fil-belt ta’ Ghanqa. Itaptpu saqajom ma l-imwejjed tal-hgieg u jhossu b’idejhom ghall eqreb banketta, fid-dalma tal-bar iz-zewg zaghzagh issukktaw jirrakkontaw ghegubijiet celesti.

Jolissi kien bniedem tad-dlam f’qalbu. Ta spiss kien jghaddi idu mahruqa minn fuq sidru, izda kull darba kien jinstamat. Kien ghalekk jehda jipporga d-dlam tieghu fuq tila u jallaqha ma hajt. Dufrejh kienu twal u rasu armla tax-xar, u minn naha ta’ wara ta’ rasu kienet tohrog raggiera ppuppata ‘l fuq, ftit dehbijja u bil-ghasel iqattar minnha, izda l-bicca l-kbira msadda. Kellu vizzju jhokk il-lehja u jikkunsidra kemm kien wahdu f’dik id-dinja.

Dak il-lejl partikolari, ma steghax jaqla ghajnejh minn fuq ghonq Dlena, li ntefghet bilqieghda kuntenta b’tazza nbid vjola f’idejha. Kienet liebsa libsa hadra, u mgewzra madwar ghonqa kella tisserrep kullana tad-deheb. Il-gilda safranijja ta Dlena f’dak il-bar kisbet xejra aktar safra miss-soltu. Ghajnejn Jolissi xeghlu hodor, u beda jliegheb hu u jlegleg l-inbid vjola.

Ma setghax jaqla ghajnejh minn ghonq Dlena.

LUKURA
25.09.07

Kien hemm darba rahal zghir f’nofs pajjiz fejn it-twieqi kienu kollha homor u l-hitan kollha bojod. Fuq il-bejt ta’ dwejra minnhom, taht il-qamar inkaljat u s-shab mahruq, kien hemm mara mezz’eta, imxarrba bil-gharaq u tonxor il-lozor. Ghajnejha kienu jxinxtehtu fuq elf haga f’daqqa, bis-serqa ghaliex f’dak il-pajjiz ma kiex permess tixhet harstek ‘l hawn u ‘l hemm. Idejha mimlijin skaldi kienu jhokku mal-lozor vergni u jxawwtuhom. Kien jisimha Sirena. Dik il-lejla kienet qed tinstenna t-taqtir qisu halib jinzel mill-lozor bojod, sabiex umbad izzommu go barmil taht wahda mit-twieqi l-homor. Fil-barmil kien jghix ragel b’daqna twila li xoghlu kien li jaghmel l-istatwi mil-gebel tal-Lukura li kien jaqa hemmek b’kumbinazzjoni.

Darba minnhom il-mara naqset milli timla l-barmil bil-halib tal-lozor. Hekk kif marret fuq il-bejt, griet girja qasira u nxtehtet ghal isfel. Hesrem donna hasset it-tnabar ta’ widenejha mimlijja tajjar, u rasha hafifa donnha werqa fir-rih tal-Lvant. Il-mara nizlet dritta u bilwieqfa ma l-art, u hemmek ghadha sa llum. Saqajha ssa hadu l-gheruq, u minn idejha jiddendlu l-gebel tal-Lukura.

L-ISTORJA TAL-HUTA

21.09.07

Mela darba kien hemm huta ta l-ilma helu, li denbha kien celesti u halqha kien blu. Kienet tghix go banju f’dar ta’ l-anzjani, gewwa rahal li kien jinsab erba linji longitudjonali ‘l boghod mid-dezert Xilomen. Minhabba li l-huta kella dimensjonijiet pjuttost kumplikati, kienet ta’ spiss tazzarda iccapcap saqajha u ixxejjer idejha. L-anzjani, li ghal xi raguni kellom l-idea assurda li l-hut jigi bla idejn u bla saqajn, ta’ spiss kienu jilmentaw mall-kmandant tribali u kannibalu taghhom

Malajr saret udjenza, fejn il-kap suprem Egwilux libes kappell ghall-okkazjoni, maghmul minn frieket tal-plastik. Kulhadd ingabar fil-kamra tal-banju. L-imsejkna huta ma setghet taghmel xejn hlief li tisma b’saqajha (ghaliex il-hut m’ghandux widnejn) id-decizjoni ndeciza tal-poplu kollettiv u kahlani.

L-ghada filghodu l-huta sabet ruha fil-bahar il-vjola ta’ Wied Gizimin. Kien bahar tassew spettakolari, ghaliex minbarra l-istitel u l-kometi li wiehed normalment isib f’wicc l-ilma, kien hemm ukoll ammont kbir ta’ siggijiet kull kulur, iserrhu fuq ix-xtieli li kienu jservu bhala ghatu ghall-ilma.

Il-huta, wara hafna tbatijja, niffdet ix-xibka ta’ xtieli, u b’idejha ggranfat ma’ wiehed mis-siggijiet. Hassitha mportanti ferm hekk kif sabet ruha bilqieghda fuq siggu hadrani. Izda x’hin harset madwarha, il-huta hassitha tirtoghod, qisa ghada hierga mill-ilma.

Imferrxa mall-wied kien hemm mitt tarbija bilqieghda bhala, b’rasom mmejla kbira wisq ghall-gisimom, bin-newl f’idejom, ihitu l-flokkijiet.

MITT ELF FARFETT
21.09.07

Huma tassew ftit il-fortunati li mqar darba f’mitt farfett zaru l-istazzjon tal-ferrovijja ta Frollitown.

Mela wiehed minn dawn il-fortunati kien il-habib taghna Ragel Vjola, li f’nofs il-hmistax-il gimgha tax-xahar, gietu xewqa tassew fantastika. Qabad ghalekk gebla effervexxenti u xehitha f’nofs wiehed mill-fosos tal-Furjana. Malajr induna li Futur kien tal-parir li jmur Frollitown. Ta min jghid li Futur kien hlejjaq kemxejn moghlub dejjem liebes flokk nofs komma. Hafna kienu jqisuh krejatura fitta ghall-ahhar

“Velfromm” tenn Ragel Vjola, u fittex rhielha.

L-istazzjon kien jinsab f’ghalqa li tezizti biss nhar ta Gimgha. Ragel Vjola rama rixa fuq rasu, frotta fuq kull naha u fatat fil-but. Iz-ziffa kienet friska, tilghab mal-gilda u ggieghel lill friekren ifittxu miken kenni. Ragel Vjola, minhabba li kien bla xar, fekren hu wkoll lejn l-istazzjon, fejn ittama li seta jsib imqar tazza Te tal-Frejfes.

Izda meta kien biss erba rettangoli ‘l boghod, waqaf hesrem. Mill-istazzjon dehret pezza drapp tqum u taqa, pezza mdaqqsa, kollha lwien, pezza hoxna, riesqa lejn fejn kien.

Ragel Vjola baqa ssummat, hass donnu rih qawwi riha ta frawli riesaq lejh. Il-pezza waslet biss rettangolu l’ boghod meta, b’hoss ta’ vjolin midfun fis-shab, inqasmet f’mitt elf farfett.

IL-MARA TLETT KWARTI
20.09.07

Mela darba kien hemm mara li kienet tghix go dar bla saqaf f’nofs l-Armlika t’Isfel. Kull tlett kwarti, kienet tixhet harsita ‘l fuq u twerzaq twerzieqa twila u tahraq. Meta kienu jisimawha, il-krejaturi kollha kienu jitwerwru, imma kollha kienu kurjuzi biex ikunu jafu x’dehra kellha din il-mara.

Mela darba fost ohrajn, kien hemm rettilu twil mimli trijangoli orangjo. Dan ir-rettilu kien jidfen rasu taht l-art kull nhar ta’ Tlieta. Gara li jum minnhom hass l-art bhal donnha titghawweg u tixxeqleb, u beza ghaliex rasu kienet taht l-art. Ghalekk, ghalaq ghajnejh u sadd it-tnabar ta’ widnejh b’tulipan iswed.

Kien f’dak il-mument li sab ruhu mdawwar minn erba hitan, imsaqqfa biss bis-sema kannella.

“Ceriplamm!” ghajjat ir-rettilu.

F’hakka t’ghajn fegget il-mara li twerzaq kull tlett kwarti.

“Woxinmaxin”, stqarret.

“Wimpilflaks, vlamberxmann”

Ir-rettilu trijangolari tkexkex.

Flok ghajnejn, il-mara kellha zewg hagriet tondi u trasparenti ttikjati, mimlijin tajn.

L-ARBLU GEMELL

19.09.07

Kienet lejla kiesha gewwa Cernovill, tant li s-silg niffed is-sema mtektka u l-ghasafar stkennew sew taht is-sigar tac-Cermateska. Ir-rih majjistru, b’ghajta griza xerred il-weraq rieqdin mat-triq, li fiha, dritt dritt, kien hemm l-arblu gemell.

L-arblu gemell kien jixel orangjo u ahmar: orangjo jaghti lejn it-triq tas-seba ghorrief u ahmar jaghti lejn il-qamar meta la’ jkun telgha u lanqas nizel.

Dlonk instemaw resqin Nomis u Habibtu, li f’dik il-lejla bejn sajf u xitwa kienu qed jilghabu loghba bla isem. Is-sigar tmattru u l-hanfus taht l-art waqqfu l-antenni taghhom ‘l fuq hekk kif tajjru l-ahhar xrar tas-silg minn fuq darhom. Skond l-uzanzi tal-villagg, Nomis intefa taht in-naha l-orangju filwaqt li Habibtu inxethtet bla pacenzja taht id-dawl hamrani. Malajr hakimha tip ta dwejjaq vjola skur, tant li infexxhet tilghab b’tuffieha li harget minn gol-basket tac-comb li kien ilha iggor maghha sa mill-1987.

Nomis baqa sieket. Kellu xehta ta bniedem li garrab, donnu x-xih ta Wied Ketis li hadd qatt ma sema bieh. Kien ghalekk li Habibtu newwlittlu l-imsemijja tuffieha, donna Eva hierga friska mill-ktieb tal-Genesi. Nomis, li hassu pjuttost ferhan ghaliex donnu kien qed jerga jghix leggenda, hataf il-frotta u beda jnawwar dufrejh kannella mil-qoxra ‘l gewwa. Kien f’dan il-mument li t-tuffieha nqasmet fit-tnejn u intebah li l-qalba kienet lewn ahdar imxarrab.

Nemis halla t-tuffieha taqa ma l-art. Hares cass lejn is-sema semi-skura. Habibtu hasbitu ser jinfexx fl-Ghanja tar-Raghad. Izda Nemis baqa sieket, u minflok fetah dirajgh berah u baqa ihares ‘l fuq, ‘l fuq.

F’daqqa wahda xeqleb rasu lagenba u beda jdur zugraga mieghu innifsu. U jdur u jdur u jdur u jdur u jdur u jdur u jdur u jdur. Nemis, b’idu miftuha, baqa jdur, tant li iz-ziffa li holoq qajmet gisem Habibtu xewk xewk. Id-dublett ikaxkar griz li kien liebes beda tiela ‘l fuq, ‘l fuq sakemm kiseb is sura ta pezza drapp forma ta’ petala. Gisem Nemis kien mghotti ghal kollox.

Id-dublett ta’ Nemis baqa imnaqqax fis-sema, donnu demgha tad-drapp maqbuda f’ghanqbuta.

Kien hawnekk li Habibtu, wara ghoxrin sena, ntebhet li Nemis, taht id-dublett, kien ragel bla saqajn.